Хатын-Арынская сельская библиотека

Аппааныга уу кэлиитэ

• 1949с.- ыам ыйын 21 күнэ. Улахан уу. Дириҥ Күөлгэ сүөһүлэр өллүлэр.
• 1959с. — ыам ыйын 24 күнэ. Намыһах ходуһа уута. Үөкэҕэ эрэ кутта.
• 1960с. — ыам ыйын 28 күнэ. Үрдүк ходуһа уута.Аллараа хонууну 80% ылла.
• 1961с. ыам ыйын 26 күнэ. Дириҥ күөлгэ кутта. Аллараа хонууну 98% ылла.
• Бэс ыйын 2 күнэ. Түүнүн күүстээх тыал, хаар бөҕө түстэ. Эмискэ олус тымныйда, сүөһүлэр тоҥон өллүлэр. Киэһээҥҥэ диэри хаар күлүк сиргэ ууллубата.
• 1962с. ыам ыйын 22 күнэ. Аллараа хонууну барытын ылла. Арҕаа ыскылаакка тиийэ кэллэ. Дириҥ Күөлгэ кутуу бөҕө.
• 1963с. ыам ыйын 29 күнэ. Нэһиилэ Биэккэ күөлүгэр кутта.
• 1964с. Ыам ыйын 24 күнэ. Аллараа хонууну 60% ылла.
• 1965с. ыам ыйын 27 күнэ. Биэккэҕэ кыратык кутта.
• 1966с. ыам ыйын 23 күнэ. Илин, аллараа хонууну 100% ылла, дириҥ күөлгэ кутта.
• 1967с. ыам ыйын 14 күнэ. Илин хонууну 70% сапта. Орто ходуһа уута.
• 1968с. ыам ыйын 17 күнэ. Биэккэ күөлүгэр эрэ кутта.
• 1969с. ыам ыйын 23 күнэ. Биэккэ күөлүгэр кыратык кутта.
• 1970с. ыам ыйын 25 күнэ. Илин хонууну 90% ылла, Дириҥ күөлгэ кутта.
• 1971с. ыам ыйын 19 күнэ. Аллараа хонуу 90% ууга барда, Дириҥ күөлгэ кутта.
• 1972с. ыам ыйын 25 күнэ. «Туллук» хаатын толорбото.
• 1973с. ыам ыйын 23 күнэ. Намыһах ходуһа уута. Биэккэ күөлүгэр да куппата.
• 1974с. ыам ыйын 27 күнэ. Өрүс хаата туолбата.
• 1975с. ыам ыйын 18 күнэ. Өрүс хаатын толорбото, Биэккэҕэ киллэрбэтэ.
• 1976с. ыам ыйын 23 күнэ. Өрүс хаатын толорбото. Күөлгэ куппата.
• 1977с. ыам ыйын 24 күнэ. Күөогэ кыратык кутта. Аллараа Винокуров В.И. дьиэтин анныгар диэри кэллэ.
• 1978с. ыам ыйын 21 күнэ. Чуурка хотону, Попов Н, 4 квартиралаах дьиэлэри, Лукина В.И. дьиэтин, илин хонууну олоччу ылла. Дириҥ күөлгэ кутта.
• 1979с. ыам ыйын 27 күнэ. Аллараа Винокуров В.И. дьиэтин анныгар кэллэ. Нэһиилэ илин күөлгэ кутта. Намыһах ходуһа уута.
• 1980с. ыам ыйын 27 күнэ. «Туллугунан» хаатын толорбото.
• 1981с. ыам ыйын 20 күнэ. «Эһэлээх» харыыта тоҕо баран, илин күөлгэ балай да кутта. Сайыҥҥы уонна күһүҥҥү уу улаатан, арыыларга охсуллубут, мунньуллубут, кэбиһиилээх оттору ылан, ороскуот бөҕө таҕыста.
• 1982с. ыам ыйын 24 күнэ. Илин күөлгэ кыратык кутта.
• 1983с. ыам ыйын 27 күнэ. Кыра уу. Илин Биэккэ күөлүгэр олох кыратык киирдэ..
• 1984с. ыам ыйын 18 күнэ. Улахан уу. Граф биэрэгинэн харан, Сыроватскай Н.Г. (Лена уулуссаҕа) дьиэтин ааныгар диэри уонна онтон хаҥас ыаллары олоччу ылла. Апреля Николаевна олорор дьиэтин утарытынан Колхознай уулуссаҕа тахсан, совхоз хонтуоратын иннинэн хотуттан кэлэр ууну кытта холбосто. Арҕаа хонууну үксүн ылла, Дириҥ күөлгэ кутта. Намҥа 2 этээстээх дьиэлэри барытын ылла диэн иһитиннэрдилэр.
• 1985с. ыам ыйын 24 күнэ. «Туллук» хаатын аҥарынан эрэ кэллэ. Атырдьах ыйын 20 күнүттэн Граф Биэрэгин аннынан ДТ-75 трактор, саппыкылаах дьон Ньирээйиккэ кэһэн киирэр буоллулар.
• 1986с. ыам ыйын 27 күнэ. Илин күөлгэ эрэ кутта.
• 1987с. ыам ыйын 31 күнэ. Күөлгэ кутта. Томскайдар анныларыгар эрэ кэллэ.
• 1988с. ыам ыйын 14 күнүгэр сир туртайыар диэри хаар түстэ. Алааска халыҥ соҕус хаардаабыт. Ыкам ыйын 16 күнүгэр бөдөҥ хаар түстэ. Ыам ыйын 22 күнэ. Кыра уу. Күөлгэ куппата.
• 1989с. ыам ыйын 23 күнэ. Намыһах ходуһа уута. Күөлгэ кыратык кутта.
• 1990с. ыам ыйын 20 күнэ. Орто ходуһа уута. Илин хонууну 60% ылла.
• 1991с. ыам ыйын 24 күнэ. Сорохтор намыһах, атыттар орто ходуһа уута дэһэллэр.
• 1992с. ыам ыйын 22 күнэ. Хаатын толорбото. Аллараа хонуу 60% ууга барда. Уу бэс ыйын 2 күнүгэр диэри турда.
• 1993с. ыам ыйын 29 күнэ. Туллук хаатын толорбото.
• 1994с. ыам ыйын 25 күнэ. Күөлгэ кыратык кутта.
• 1995с. ыам ыйын 29 күнэ. Кыра уу, күөлгэ кутта.
• 1996с. ыам ыйын 22 күнэ. Аллараа хонууну барытын ылла. Дириҥ күөлгэ киллэрбэтэ.
• 1997с. ыам ыйын 22 күнэ. Хаҥаласка Иһит диэн сиргэ харда. Покровскайтан муус кыратык устар. Дьокуускайга, Намҥа кыра уу кэллэ. Туллукка өрүс хаатын толорбото. Харыы мууһа бэйэтэ төлө баран, муус Намынан кэлэн ааһар. Ыам ыйын 25 күнүгэр «буордаах» уукэлэн турар.
• 1998с. ыам ыйын 22 күнэ. Сарсыарда радионан биллэрбиттэринэн, Ленскэй куорат, Амма, Таатта, Уус-Алдан улуустара ууга бардылар. Өлүөхүмэ, Мэҥэ-Хаҥалас, Дьокуускай, Үөдэй ууга бардылар. Үөдэйдэри көһөрдүлэр. Аппааныга түүн Эһэлээх харыытын буомбалаатылар
• 1999с. ыам ыйын 23 күнэ. Уу илин хонууну 90% ылбыт. Дириҥ күөлгэ хотунан кыратык кутта.
• 2000с. ыам ыйын 18 күнэ. Орто ходуһа уута. Нэһиилэ Граф суолун туоратта. Илин күөлгэ эрэ кутта.
• 2001с. ыам ыйын 22 күнэ. Аллараа хонууну 90% ылла. Эһэлээх 3 күн харан, 22.05 төлөрүйдэ. Хотунан Дириҥ күөлгэ кыратык кутта. Урут Дириҥ күөлгэ нефтебаза арыый бэтэрээ өттүнэн Атахый өтөҕүн аннынан кутара. Ону быйыл кумах кутан, үрдэтэн, киллэрбэтэ. Ленскэйгэ харбыт уу хойутаан кэлэн, биһиэхэ уу эбилиннэ.
• Ыам ыйын 27 күнэ. Сарсыарда Стрекаловскай Иван Сидорович дьиэтин арҕаа өттүнээҕи хотоолунан уу кутан, Сивцев И.А. тутта сылдьар саҥа дьиэтин олбуоругар тиийдэ. Дириҥ күөл уута эбилиннэ. Аппааныга 6, Кыһыл Дэриэбинэҕэ 5 дьиэ ууга барбыта.
• 2002с. ыам ыйын 18 күнэ. Илин күөлгэ кутта. Граф суолун быста. Графка Эверстов Т.Т. дьиэлэрин ылбатах. Илин ойуурдарыгар кэлэн тохтообут.
• 2003с. ыам ыйын 28 күнэ. Илин күөлү толордо. Кангаласка, Эһэлээххэ кыратык хара сырытта. Бу иннинэ 23.05 халыҥ хаар түстэ.
• 2004с. ыам ыйын 24 күнэ. Республика үрдүнэн уу кыра. Өрүс хаатын толорбото.
• 2005с. ыам ыйын 18 күнэ. Халаан уута Өлүөнэ былаһын тухары харбакка, дьон олорор сирин ылбакка уулуу уһунна. Алдан хас да хонук эрдэ эһиннэ. 15.05. Батамаайыга тиийбит. Туллук хаатын толорбото.
• 2006с. ыам ыйын 23 күнэ. Алдан эрдэ эһиннэ. Маҥнай уу күөллүү уһунна диэн буолла. Ыам ыйын 24 күнэ. Киэһэлик Туллукка уу эбилиннэ. Киэһээ 5ч. саҕалаан күөллэргэ кутта.
• 2007с. ыам ыйын 15 күнэ. Уу сарсыарда 9 чаастан Дириҥ күөлгэ кутта. Киэһэнэн түстэ. Кирпииччэҕэ барар суолу быспыта.
• 2008с. ыам ыйын 21 күнэ. Күөллэргэ эрэ кутта. Хоту Боруоча Аартыгынан күөл уута түһэр.
• 2009с. ыам ыйын 18 күнэ. Хаатын толорбото. Табаҕа анныгар харыы нэдиэлэ устата турда. Дьокуускай, Нам аннынан муус урутаан уһунна.
• 2010с. ыам ыйын 22 күнэ. Улахан уу – Граф Биэрэгэ 100%, Аппааны 80% ууга барда. Биһиги дьиэбит кирилиэһин икки үктэлин ылла. Ампаар быһаҕаһыгар диэри ууга турар.