Хатын-Арынская сельская библиотека

Балаҕан ыйын 16 күнүгэр Хатыҥ-Арыы нэһилиэгэр Илья Дорофеевич Винокуров-Чаҕылҕан аатынан библиотека өрөспүүбүлүкэтээҕи таһымнаах модельнай библиотека статуһун сүкпүт үөрүүлээх аһыллыытын тэрээһинэ буолла. Манна лиэнтэни быстылар: “Нам улууһун” тыа сэлиэнньэтин Баһылыга Юрий Иннокентьевич Слепцов, «Хатыҥ-Арыы нэһилиэк» тыа сэлиэнньэтин баһылыга Иван Дмитриевич Ноговицын, кииннэммит библиотека ситимин директора Майя Романовна Софронова, олохтоох библиотека сэбиэдиссэйэ Варвара Дмитриевна Носкова. Улуустааҕы культура уонна духуобунай сайдыы управлениятын салайааччыта Семен Прокопьевич Ядрихинскай, СӨ национальнай библиотекатын научнай-методическай киинин сүрүннүүр библиотекара Анастасия Михайловна Анисимова эҕэрдэлээтилэр. Тэрээһини киэргэттилэр «Дабаан» этно-фольклорнай бөлөх. “Ча5ылыс”уоланнар ааҕыыларын кыттыылааҕа, Винокуровскай ааҕыы лауреата, И.Е.Винокуров аатынан Хатын-Арыы орто оскуолатын 9 кылааһын үөрэнээччитэ Замятин Никита “Чаҕылҕан туһунан” хоһоонун ааҕан иһитиннэрдэ. Библиотека ситимин кыргыттара эҕэрдэ хоһоон ааҕан эҕэрдэлээтилэр.